بين التمنّي والتجلي: خطوات جذب المال لحياتك

صار في موجة بتحكي عن “التجلي“
ناس بتشارك قصص عن كيف ساعدهم يبنوا الثروة اللي بدهم إياها، ويعيشوا الحياة اللي حلموا فيها.
وإنت؟
يمكن مش فاهم تمامًا شو هو، أو يمكن جرّبته وما حسّيت إنه شغال معك.
خلينا نفهمه سوا

التمنّي والتجلي: مش شبه بعض… هُم نقيضين تمامًا

التمنّي بيخليك تركز على الشيء اللي مش عندك.
بتفكر: “يا ريت لو عندي…..”، “ليش ما عندي……”،
والنتيجة؟ شعور بالنقص والقلة.

أما التجلي؟
فهو الإيمان العميق إنك تملك القدرة والقوة لتحقق ما تريده. بتقول لنفسك: “أنا قادر… وأنا ماشي على الطريق.” وتعزز هذا الايمان كل يوم بفعل بسيط و خطوة صغيرة. وهيك بتدخل بدوّامة إيجابية:

إيمان بالذات، فعل بسيط ، إنجاز صغير ، ثقة أكبر ، إيمان بالذات أقوى ،وهكذا…

كيف أستخدم التجلي لتحقيق أهدافي؟

إليك 4 خطوات عملية، نطبقها على مثال بسيط: شراء لابتوب بدون ديون.

١. حدد هدفك بوضوح

مش “بدي لابتوب”، بل:
“بدي أشتري لابتوب بـ500 دينار خلال 3 شهور، بدون ما أستلف.”

وضوح الهدف هو أول خطوة تجاه تحقيقه.

٢. تخيّل حالك وكأنك وصلت

تخيل حالك ماسك اللابتوب، مشتريه براحتك، بدون قروض ولا توتر.
شعور الإنجاز هذا هو اللي بيثبّت الصورة في عقلك… وبيخلي دماغك يشتغل باتجاهه.

٣. كل يوم، خطوة صغيرة

مش لازم تعمل إنجاز ضخم… خطوة واحدة بتكفي.

مثال: “اليوم وفّرت 5 دنانير لأني ما طلبت أكل من برا، وخصصتهم لصندوق اللابتوب.”
كل توفير صغير هو تأكيد داخلي: “أنا على الطريق.”

٤. استمر… حتى لو ما شفت نتيجة فورًا

في أيام رح تحس إنك بعيد أو إنك تعبان.
بس تذكّر:
كل خطوة عم تبني على اللي قبلها، وكل تعب رح يوصلك لهدفك… من دون دين. 

 ومع الوقت، رح تلاحظ الفرق مش بس بحسابك، بل بطريقة تفكيرك كلها.

جاهز تبدأ رحلتك المالية؟ احجز جلستك المالية الآن وابدأ بخطة مالية تناسبك وتساعدك تغيّر عاداتك المالية للأفضل.