أخطاء بطاقات الائتمان اللي عم تكلفك كتير (وأنت مش منتبه!)💳

بطاقات الائتمان أداة مالية رائعة… بس لما ما تستخدمها صح، ممكن تتحول لعبء مالي كبير بدون ما تحس. من خلال شغلي مع العملاء، هاي هي أكثر الأخطاء الشائعة عند التعامل مع البطاقة الائتمانية، واذا انت عم تعمل هاي الأخطاء معناتك عم تتكلف مصاريف عالية

1️⃣ دفع الحد الأدنى فقط

.هاي من أكبر الأخطاء اللي الناس بتوقع فيها
لما تدفع الحد الأدنى يعني معظم المبلغ عم بسدد الفوائد على البطاقة وليس الرصيد
.لو التزمت بس بالحد الأدنى… الفوايد بتتراكم بشكل كبير وبتطوّل كتير لتخلص الدين

📊 مثال

.عندك رصيد على البطاقة = 1000 دينار

.الحد الأدنى الشهري = 5% = 50 دينار

.لو دفعت فقط الحد الأدنى كل شهر، رح تحتاج حوالي 25 شهر (سنتين) لتسدّه، وتدفع حوالي 240 دينار فائدة

✅ طيب لو ضفت 20 دينار زيادة كل شهر (يعني دفعت 70 بدل 50)؟

.رح تسدّ الدين في حوالي 17 شهر بدل 25 شهر

وفوائد حوالي 160 دينار بدل !240

.هاي خطوة بسيطة… بس بتختصر وقت السداد وتوفّر عليك كتير

2️⃣ عدم استخدام خدمة التقسيط (أو استخدامها بطريقة غلط)

.كثير بطاقات بتوفر خيار تقسيط بفوايد منخفضة أو حتى بدون فايدة
بس في مشكلتين بشوفهم كتير: ناس ما بيستخدموا الخدمة أصلًا، وبيخلّوا الرصيد يتراكم بفوايد عالية،  أو بيعملوا تقسيط… وبعدين بيكملوا يشتروا بالبطاقة من جديد، فبصير عندهم قسط وفايدة بنفس الوقت وبتلخبط الأمور

📊 مثال
لو اشتريت جهاز بـ 1200 دينار وكان عندك خيار تقسيط 0% على 12 شهر… بس ما استخدمته وخليت الرصيد عادي، بعد سنة ممكن تكون دفعت حوالي 160 دينار فايد

3️⃣ السحب النقدي من البطاقة

!واحدة من أخطر الحركات
أول ما تسحب كاش من البطاقة الفايدة بتبدأ مباشرة (ما في فترة سماح زي المشتريات)، الفايدة بتكون أعلى. و كمان بتتحمل رسوم سحب فوري

🎯 :الخلاصة

.بطاقات الائتمان أداة مالية ممكن تخدمك كتير… بس استخدامها بشكل عشوائي بيكلفك أكتر مما تتخيل
.الاستخدام الصحيح للبطاقة الائتمانية، بوفر عليك مبالغ ضخمة على المدى الطويل

📲 جاهز تدير ديونك بذكاء وتبني عادات مالية صحيّة؟ استفد من جلسات التخطيط المالي والتوجيه السلوكي — وابدأ رحلتك نحو إدارة مالية أذكى وعافية مالية مستدامة. 🚀